जळगावतील कासमवाडी येथील घटना
जळगाव (प्रतिनिधी) – शहरातील कासमवाडी परिसरातील एका उमद्या तरुणाने नैराश्याखाली येऊन गळफास घेत आत्महत्या केली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्याचे काम सुरू होते. मयत तरुण हा शासकीय वैद्यकीय महाविद्यालय व रुग्णालय, जळगाव या ठिकाणी कंत्राटी कक्षसेवक म्हणून कामाला होता.
ललित कैलास पवार (वय २३, रा. कासमवाडी, जळगाव) असे मयत तरुणाचे नाव आहे. तो आई, वडील, भाऊ, बहिणीसह राहतो. तो शासकीय वैद्यकीय महाविद्यालय व रुग्णालय येथे कंत्राटी कक्षसेवक म्हणून कामाला होता.
ललित शुक्रवारी ३० जुन रोजी दुपारी घरी होता. त्यावेळी कुठल्यातरी नैराश्याखाली त्याने छताला गळफास घेऊन आत्महत्या केली. कुटुंबीय व नागरिकांनी त्याला उपचारासाठी शासकीय वैद्यकीय महाविद्यालय व रुग्णालय येथे आणले असता वैद्यकीय अधिकाऱ्यांनी त्यास मयत घोषित केले.
यानंतर कुटुंबीय, नातेवाईक, मित्रांनी हंबरडा फोडला. एमआयडीसी पोलीस स्टेशनच्या कर्मचाऱ्यांनी घटनास्थळी धाव घेऊन घटनेची माहिती घेतली. त्यानंतर अकस्मात मृत्युची नोंद करण्याचे काम सुरु होते.
