भडगाव तालुक्यातील पासर्डी येथे शोककळा
भडगांव (प्रतिनिधी) : कापूस विक्री करण्यासाठी जळगाव जिल्ह्यातून जाणाऱ्या वाहनाचा गुजरात मधील अहमदाबाद येथे भीषण अपघात झाला आहे. अपघातात पासर्डी येथील तरुणाचा जागीच मृत्यू झालाय. हा अपघात दि. ९ एप्रिल रोजी सकाळी १२ वाजेच्या सुमारास झाला आहे. स्थानिक पोलीस स्टेशनला घटनेची नोंद करण्यात आली आहे.
अहमदाबाद येथे कापूस विक्रीसाठी भडगाव तालुक्यातील पासर्डी येथील भारत पाटील उर्फ भुरा आप्पा हा गेला होता. तो अपघातात ठार झाला आहे. त्यासोबत लोण येथील रावसाहेब हा ड्रायव्हर होता. तो अपघातात किरकोळ जखमी आहे. सदर वाहन हे लोण पिराचे येथिल भुसार, लिंबू व्यापारी अनिल महाजन व लहू महाजन यांचे असल्याची माहिती मिळाली आहे.
