यावल तालुक्यातील शिरागड येथील घटना
यावल (प्रतिनिधी) :- तालुक्यातील शिरागड येथील अविवाहित तरुणाने शेताच्या बांधावर गळफास घेवुन आत्महत्या केल्याची घटना शुक्रवारी १६ फेब्रुवारी सकाळी सकाळी १०.३० वाजेच्या सुमारास घडली. याबाबत यावल पोलीसात अकस्मात मृत्यूची नोंद करण्यात आली आहे.
महेश कैलास सोळके (वय-२५ वर्ष रा.शिरागड ता. यावल) असे या अविवाहित तरुणाचे नाव आहे. या शेतकऱ्यांने १६ फेब्रुवारी शुक्रवार रोजी सकाळी १०.३० वाजेच्या सुमारास आपल्या गट क्रमांक- ११८ या शेताच्या बांधावर असलेल्या निंबाच्या झाडावर दोरीच्या सहाय्याने गळफास घेत आत्महत्या केल्याची घटना समोर आली आहे. आत्महत्या करण्याचे कारण समोर आलेले नाही. याबाबत शिरागड गावातील पोलीस पाटील सुधाकर नारायण सोळुंके यांनी खबर दिल्याने यावल पोलिस ठाण्यात अकस्मात मृत्युची नोंद करण्यात आली. पुढील तपास सहाय्यक पोलीस निरिक्षक हरिष भोये यांच्या मार्गदर्शनाखाली पोलिस हेड कॉस्टेबल सिकंदर तडवी हे करीत आहे.
