भडगाव तालुक्यातील घटना
भडगाव (प्रतिनिधी) – तालुक्यातील पारोळा-कोळगाव रोडवरील वीज वितरण कार्यालयजवळ गुरुवारी दि. २२ रोजी दुपारी ३ वाजेच्या सुमारास शिंदी येथील २१ वर्षीय युवकास पेट्रोल भरलेल्या वाहनाने जोरदार धडक दिल्याने झालेल्या अपघातात युवकाचा मृत्यू झाला आहे. भडगाव पोलीस स्टेशनला टँकरचालकाविरुद्ध गुन्हा दाखल करण्यात आला आहे.
भावेश रामेश्वर पाटील (वय २१, रा. शिंदी ता. भडगाव) असे मयत तरुणाचे नाव आहे. भावेश याने नुकताच भडगाव महाविद्यालय येथे विज्ञान शाखेत प्रवेश घेतला होता. पारोळा कोळगाव रोडवरील वीज वितरण कार्यालय जवळ २२ रोजी दुपारी ३ वाजेच्या सुमारास भावेश रामेश्वर पाटील हा त्याचे दुचाकी क्र (एम एच १९ डी झेड ०३६४) ने जात असताना त्यास पेट्रोलने भरलेल्या ट्रॅकर (एम एच ४१ ए जी ९४०२) ने जोरदार धडक दिली.
यात भावेश पाटील याला भडगाव ग्रामीण रुग्णालयात नेण्यात आले असता वैद्यकीय अधिकाऱ्यांनी मयत घोषित केले. यावेळी कुटुंबीयांना माहिती मिळताच त्यांनी एकच आक्रोश केला. मृताचे काका बापुराव विक्रम पाटील ( वय ५७) यांच्या फिर्यादीवरून पेट्रोल वाहन चालक दत्तू गंगाधर धानगे (रा.भालूर ता नांदगाव) याचेविरूद्ध गुन्हा दाखल करण्यात आला आहे. घटनेचा तपास पोलिस निरीक्षक राजेंद्र पाटील यांच्या मार्गर्शनाखाली सहाय्यक फौजदार पांडुरंग सोनवणे करीत आहे.
