जळगाव शहरातील तांबापुरा येथील घटना
जळगाव (प्रतिनिधी) :- शहरातील मेहरूण परिसरात महादेव मंदिर परिसरात एका २६ वर्षीय तरूणाने राहत्या घरात गळफास लावून आत्महत्या केल्याची घटना बुधवारी दि. ९ जुलै रोजी सकाळी ४ वाजेच्या सुमारास घटना घडली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
नवाज़ सादिक सैय्यद (वय २६ रा. महादेव मंदिरजवळ, मेहरूण, जळगाव) असे मयत तरूणाचे नाव आहे. नवाज़ सय्यद आई, वडील व कुटुंबियांसह राहत होता. हातमजुरी करून तो उदरनिर्वाह करीत होता.(केसीएन)पुढील २ महिन्यांनी त्याचे लग्न होणार असल्याची माहिती नातेवाईकांनी दिली. बुधवारी दि. ९ जुलै रोजी मध्यरात्री त्याने राहत्या घरात गळफास घेवून आत्महत्या केली.(केसीएन)ही घटना सकाळी ४ वाजेच्या सुमारास नवाजचे वडील त्याला झोपेतून उठवायला गेले तेव्हा उघडकीला आली. हा प्रकार लक्षात आल्यानंतर त्याला तातडीने शासकीय वैद्यकीय महाविद्यालयात दाखल केले असता वैद्यकीय अधिकारी यांनी तपासून मयत घोषीत केले. यावेळी कुटुंबीयांनी एकच आक्रोश केला. दरम्यान, आत्महत्या करण्याचे कारण समोर आले नाही. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे.
