वरणगाव (प्रतिनिधी ) ;- तळवेल येथे मोटर रिवाइंडिंगच्या दुकानातून तांब्याची वायर चोरी केल्याप्रकरणी वरणगांव पोलिस स्टेशनला पुन्हा दाखल करण्यात आला आहे.
सुनिल अशोक पाटील यांचे रिवाइंडिंग चे दुकान असुन दि.१६ ऑगस्ट रोजी ते घरी गेले असता १७ ऑगस्ट रोजी सकाळी साडेसहा वाजेच्या सुमारास त्यांच्या दुकानाचे कुलूप खुले असल्याचे त्यांच्या भावाने सांगितले असता ते दुकानात पोहचले, तेव्हा त्यांच्या दुकानातून ६० हजार रुपये किमतीची कॉपर वायरची चोरी
झाल्याचे त्यांचे निदर्शनास आले आहे . या प्रकरणी सुनील अशोक पाटील यांनी दिलेल्या फिर्यादीवरून वरणगाव पोलीस स्टेशनला गुन्हा दाखल करण्यात आला आहे. सदर गुन्ह्याच्या तपास कामी सपोनि भरत चौधरी, ए एस आय श्रावण जवरे, पो हेकॉ प्रमोद कंखरे पो कॉ मनोज म्हस्के, पोको फिरोज पठाण, पोको सचिन गुमळकर यांनी तातडीने तपास चक्र फिरवुन संशयित अविनाश सुरवाडे, अजय सुरवाडे प्रज्ञेश उर्फ जितू सुरवाडे, सुमित सुरवाडे सर्व राहणार तळवेल यांना ताब्यात घेतले आहे.
