नवी दिल्ली – इस्रो देशाची पहिली सूर्य मोहीम आदित्य एल-१ प्रक्षेपित करण्यासाठी सज्ज आहे. सूर्याच्या निरीक्षणासाठी पाठवण्यात येणाऱ्या या उपग्रहाच्या सर्व पेलोड्सची चाचणी पूर्ण झाली आहे.
त्याचा अंतिम आढावा लवकरच घेतला जाईल. सूत्रांनी दिलेल्या माहितीनुसार, जर सर्व काही ठीक राहिले तर २३ ऑगस्टला चंद्रयान- ३ च्या लँडिंगनंतर किंवा सप्टेंबरच्या सुरुवातीच्या दिवसांत ते अंतराळात पाठवले जाऊ शकते. इस्रोचे अध्यक्ष एस. सोमनाथ यांनी सांगितले की, आदित्य एल – १ मधून सोलर कॉरोनल इजेक्शन (सूर्याच्या वरच्या वातावरणातून निघणाऱ्या ज्वाला) चे विश्लेषण केले जाईल.
सूर्याचा कोरोना सहज दिसू शकत नाही. सूर्यग्रहणाच्या वेळीच याचा अभ्यास करता येतो. या ज्वाला आपल्या संप्रेषण नेटवर्कवर आणि पृथ्वीवरील इलेक्ट्रॉनिक क्रियाकलापांवर परिणाम करतात. पृथ्वीवरील ऊर्जेचा एकमेव स्त्रोत म्हणजे सूर्य, आपल्या सौरमालेतील सर्वात जवळचा तारा. सूर्यकिरण पृथ्वीवर ८ मिनिटांत पोहोचतात. बाकीचे तारे इतके दूर आहेत की त्यांचे किरण पृथ्वीवर पोहोचायला ४ वर्षे लागतात.
आदित्य L-१ मध्ये एकूण सात उपकरणे (VELC, SUITS, ASPEX, PAPA, SOLEX, HEL10S आणि मॅग्नेटोमीटर) असतील, त्यापैकी चार सूर्यापासून पृथ्वीवर येणाऱ्या ऊर्जावान कणांचे थेट विश्लेषण करतील आणि हे कण पृथ्वीच्या चुंबकीय क्षेत्रात कसे अडकतात हे शोधून काढतील. कोरोनल इजेक्शन सूर्याच्या काठावर कसे होत आहे आणि त्याची तीव्रता काय आहे? यामुळे सूर्याच्या हालचालींचा अंदाज घेण्याची क्षमता विकसित होऊ शकते.
अमेरिका, जर्मनी, युरोपियन स्पेस एजन्सी यांनी सूर्य जाणून घेण्यासाठी जगभरातून एकूण २२ मोहिमा पाठवल्या आहेत. अमेरिकन स्पेस एजन्सी नासाने सर्वाधिक मोहिमा पाठवल्या आहेत. NASA ने १९६०मध्ये पहिले सूर्य मोहीम पायोनियर- ५ पाठवले. जर्म १९७४ मध्ये नासाच्या सहकार्याने पहिली सूर्य मोहीम पाठवली. युरोपियन स्पेस एजन्सीने १९९४ मध्ये नासाच्या सहकार्याने पहिली मोहीम पाठवली.
