रावेर येथे रमजान ईद उत्साहाने साजरी
रावेर (प्रतिनिधी) : इस्लाम धर्मातील पवित्र सणापैकी एक गोड ईद म्हणजेच ईद-उल-फित्र. आज सोमवार रोजी शहर व रावेर तालुक्यात उत्साहात साजरी करण्यात आली. समाजबांधवांनी रावेर येथे उटखेडा रोडवरील ईदगाह मैदानावर पोहोचून विशेष ईदची नमाज अदा केली.
रावेर येथील जामा मशिदीचे इमाम मौलाना शोएब रझा यांनी ईदची नमाज पठण केली. तालुक्यातील गावात बांधवांनी ईद -उल-फित्र नमाज अदा केली. त्यांचे कुटूंब, नातेवाईक आणी देशवासीयांसाठी सुख, शांती आणी आनंदासाठी परमेश्वरकडे प्रार्थना केली. ईदची शुभेच्छा देण्यासाठी ईदगाह मैदानावर माजी आमदार शिरीष चौधरी, माजी नगराध्यक्ष हरिष गनवाणी, माजी नगरसेवक जगदीश घेटे, गोपाळ बिरपन, कामगार नेते दिलीप कांबळे, राजू सर्वणे, बाळू शिरतूरे, ॲड. योगेश गजरे, पंकज वाघ, संतोष पाटील आदी उपस्थित होते. याप्रसंगी पोलिस निरिक्षक डॉ. विशाल जयस्वाल यांच्या मार्गदर्शनाखाली चोख बंदोबस्त होता.
