जळगावातील घटना
जळगाव (प्रतिनिधी) : शहरातील एसटी वर्कशॉपमधून २५ हजार रुपयांचे साहित्य अज्ञात चोरट्याने चोरून नेल्याची घटना दि. ९ सप्टेंबर रोजी रात्री घडली. या प्रकरणी १० रोजी एमआयडीसी पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे.
एसटी वर्कशॉपमध्ये बससाठी लागणारे साहित्य आहे. या साहित्यापैकी ५ हजार रुपये किमतीच्या ॲल्युमिनिअम खिडकी फ्रेम, १७ हजार रुपये किमतीचे ॲल्युमिनिअम पत्रे, ३ हजार रुपये किमतीचे ॲल्युमिनिअमचे इंटरकुलर असे एकूण २५ हजार रुपये किमतीचे साहित्य रात्रीच्या वेळी अज्ञात चोरटयांनी चोरून नेले.
ही घटना १० रोजी उघडकीस आली. या प्रकरणी सुरक्षा रक्षक मोहन श्रावण सोनवणे (५१) यांनी एमआयडीसी पोलिस ठाण्यात फिर्याद दिली. त्यावरून अज्ञात चोरट्याविरुद्ध गुन्हा दाखल करण्यात आला आहे. पुढील तपास पोहेकॉ रामकृष्ण पाटील करीत आहेत.
