जळगाव ;- कोरोना नियमांचे उल्लंघन करून लपून छापून व्यवसाय करणाऱ्या बळीराम पेठेतील ११ दुकानांवर मनपाच्या अतिक्रमण विभागाकडून सील करण्याची कारवाई करण्यात आली आहे.
यांच्यावर झाली कारवाई
महापालिकेचे उपायुक्त संतोष वाहूळे यांच्या उपस्थितीत पथकाने आज मंगळवारी सकाळी १० वाजेच्या सुमारास शहरातील बळीराम पेठेतील ११ दुकानांवर छापा टाकून कारवाई केली. यात बळीराम पेठेतील बजाज ट्रेडर्स, श्री बालाजी सन्स, अरिहंत कटलरी सेंटर, मेमसाब जनरल, निनावी तसेच जय वैष्णवी जनरल स्टोअर्स बाहेरा गल्ली, वाहेगुरू इलेक्ट्रिकल जेएमपी मार्केट, नंदुरबारकर सराफ, नागदवे इंटरप्रायझेस गजानन प्लाझा बळीराम पेठ अशा ११ दुकानांवर दंडात्मक कारवाई करत सीलबंद कारवाई केली.
यांनी केली कारवाई
ही कारवाई उपायुक्त संतोष वाहूळे यांच्या मागर्दर्शनाखाली अतिक्रमण विभागातील संजय ठाकूर, सुनील पवार, किशोर सोनवणे, नाना कोळी, नितीन भालेराव, राहुल कापरे, सलमान भिस्ती व इतर कर्मचाऱ्यांनी केली.