शिंदाड ता. पाचोरा : शेवाळे येथील ग्रामपंचायतीच्या सरपंच आणि उपसरपंच पदाची निवडणूक बिनविरोध पार पडली. पदाधिकारी निवडणुकीच्या निर्धारित कार्यक्रमानुसार येथील ग्रामपंचायत कार्यालयात दि.१३ फेब्रुवारी रोजी निर्धारित वेळेत सरपंच पदासाठी योगेश कौतिक पाटील आणि उपसरपंचपदासाठी शांताराम रामचंद्र वाघ यांचा एकमेव अर्ज आल्याने निवडणूक निर्णय अधिकारी ए.व्ही. जाधव यांनी ही निवडणूक बिनविरोध घोषीत केली. यावेळी विशेष सभेला सरपंच योगेश पाटील, उपसरपंच शांताराम वाघ त्याचप्रमाणे सदस्य लताबाई भोसले, जयश्री भगुरे श्रीकांत पाटील सुनिता पाटील भागाबाई मांगारूडी अनिल पाटील नफिसा शब्बीर तडवी असे एकूण नऊ सदस्य उपस्थित होते.
