वाघेश्वरी महिला मंडळाचा मेळावा उत्साहात
जळगाव ( प्रतिनिधी ) – भारतीय संस्कृती जगात महान आहे. तिचे विविध पैलू जीवनातील चढ- उतार, संकटे- अडचणी यांना सामोरे जाण्याची प्रेरणा देतात , हेच आनंदी कुटुंबाचे सार आहे. त्यामुळे प्रत्येकाने संस्कृतीचे जतन करावे असे विचार कौटुंबिक न्यायालयाच्या समुपदेशक डॉ. स्मिता जोशी यांनी वाघेश्वरी महिला मंडळाच्या मेळाव्यात मांडले.
शहरातील संत नरहरी सोनार बहुद्देशीय संस्था, मेहरून संचालित वाघेश्वरी महिला मंडळातर्फे नुकताच राधाकृष्ण मंगल कार्यालय येथे महिला मेळावा आयोजित करण्यात आला होता. याप्रसंगी त्या बोलत होत्या.
यावेळी व्यासपीठावर महापौर जयश्री महाजन, अध्यक्षस्थानी सरस्वती प्रतिष्ठानच्या अध्यक्षा पूजा पातोंडेकर, रंजना वानखेडे, नगरसेविका वैशाली विसपुते, लता मोरे , सामाजिक कार्यकर्त्या सरिता माळी, पत्रकार केतकी सोनार, धनश्री बागुल, वर्षा अहिरराव, दापोरेकर ज्वेलर्सच्या विद्या दापोरेकर, शोभा चौधरी, निर्मला बागुल, डॉ. ज्योती गाजरे, ह.भ.प गायत्री दुसाने आदी उपस्थित होत्या .
डॉ. स्मिता जोशी पुढे म्हणाल्या की , समाजात घटस्फोट , कुटुंबातील कलह व त्यातून टोकाला जाणारे वाद हे सर्व मन खिन्न करणारे आहे हे वाद टाळता यावे यासाठी पती -पत्नी या दोन्हीपैकी एकाने सामंजस्याची भूमिका घ्यावी
डॉ.जोती गाजरे यांनी महिलांना निरोगी जीवनशैलीबद्दल मार्गदर्शन केले. गायत्री दुसाने यांनीही “स्त्री शक्ती व आध्यत्मिकता यावर मनोगत व्यक्त केले.
त्यानंतर लहान मुले-मुली यांनी सांस्कृतिक कार्यक्रम सादर केले. पुढच्या टप्प्यात गीताई मल्टी सर्व्हिसेस व श्री ऑनलाईनच्या वतीने ई श्रम कार्ड नोंदणी शिबिराचा लाभ असंख्य महिलांनी घेतला यासाठी हर्षल सोनार व निलेश विसपुते यांचे सहकार्य लाभले . यावेळी महिलांची मोठया संख्येने उपस्थिती होती.
प्रास्ताविक ऍड. केतन सोनार यांनी केले. सूत्रसंचालन वर्षा अहिरराव तर आभार जगदीश देवरे यांनी मानले. यशस्वीतेसाठी प्रमिला चव्हाण, पूजा सोनार, नयना सोनार, निर्मला देवरे, मीना वाघ, दिपाली बिरारी, मनीषा सोनार, ज्योती सोनार, सुनीता देवरे, भारती पोतदार आदींनी परिश्रम घेतले.
