शनीपेठ पोलीस ठाण्यात चार जणांविरोधात गुन्हा
जळगाव ( प्रतिनिधी ) ;- घराच्या बांधकामास विरोध केल्याच्या कारणावरून एका वृध्दाला शिवीगाळ करत जीवेठार मारण्याची धमकी दिल्याची घटना जळगाव शहरातील काशीबाई उखाजी शाळेजवळील श्रीकृष्ण कॉलनीतशनीवारी २७ जुलै रोजी दुपारी १ वाजता उघडकीला आले आहे. याप्रकरणी रविवारी २८ जुलै रोजी रात्री १० वाजता शनीपेठ पोलीस ठाण्यात चार जणांविरोधात गुन्हा दाखल करण्यात आला आहे.
राजेशखडके वय ६२ रा. विठ्ठल पेठ, जळगाव हे आपल्या परिवारासह राहायला आहे. त्याचे काशीबाई उखाजी कोल्हे शाळेजवळील श्रीकृष्ण नगरात त्यांचे घर आहे. त्यांच्या घराच्या बाजूला चिंधू शेनफडू पाटील हे घराचे बांधकाम करत असतांना पिलरचे बांधकाम अनधिकृत पणे सुरू असतांना राजेश खडके यांनी विरोध केला. या रागातून शनिवारी २७ जुलै रोजी दुपारी १ वाजता चिंधू शेनफडू पाटील, डिगंबर शेनफडू पाटील, रामेश्वर चिंधू पाटील, तुषार चिंधू पाटील सर्व रा.श्रीकृष्ण कॉलनी जळगाव यांनी शिवीगाळ करत जीवेठार मारण्याची धमकी दिली. याप्रकरणी रविवारी २८ जुलै रोजी रात्री १० वाजता शनीपेठ पोलीस ठाण्यात गुन्हा दाखल करण्यात आला आहे. पुढील तपास पोलीस नाईक विजय निकम हे करीत आहे.
