लोकशाहीर अण्णाभाऊ साठेंची जयंती उत्साहात साजरी
शिरसोली (वार्ताहर) :- येथील बारी समाज माध्यमिक व उच्च माध्यमिक विद्यालयात आज लोकमान्य बाळ गंगाधर टिळक यांची पुण्यतिथीनिमित्त अभिवादन तर लोकशाहीर अण्णाभाऊ साठे यांची जयंती मोठ्या उत्साहात साजरी करण्यात आली. कार्यक्रमाचे अध्यक्षस्थानी विद्यालयाचे मुख्याध्यापक राजेंद्र आंबटकर हे होते.
प्रमुख अतिथी म्हणून संस्थेचे संचालक मनोज बारी, पर्यवेक्षक रामकृष्ण पाटील, ज्येष्ठ शिक्षक सुनील भदाणे, सांस्कृतिक प्रमुख चंद्रकांत कुमावत, मनीषा बारी, कांचन धांडे, मनीषा पायघन हे उपस्थित होते. मान्यवरांच्या हस्ते प्रतिमेचे पूजन करण्यात आले. विद्यार्थ्यांनी लोकमान्य टिळक व अण्णाभाऊ साठे यांच्या जीवनावर आपले मत व्यक्त केले. मुलांनी पोवाडे देखील सादर केले. तर विविध देशभक्तीपर गीते सुद्धा सादर केली. सुनील भदाणे, मनीषा पायघन यांनी लोकमान्य टिळकांच्या व अण्णाभाऊ साठे यांच्या जीवन चरित्रावर प्रकाश टाकला. राजेंद्र आंबटकर यांनी अध्यक्षीय भाषण केले. कार्यक्रमाचे प्रास्ताविक सांस्कृतिक प्रमुख चंद्रकांत कुमावत यांनी केले. तर सूत्रसंचालन मनीषा बारी यांनी केले. सुरेखा दुबे, व दीपक कुलकर्णी यांनी परीक्षकाचे कामकाज सांभाळले. आभार कांचन धांडे यांनी मानले.
