पाचोरा तालुक्यातील सामनेर येथील घटना
पाचोरा (प्रतिनिधी) : तालुक्यातील सामनेर येथील शेतकऱ्यांने झाडाला गळफास घेऊन आत्महत्या केल्याची घटना गुरुवारी दि. २४ एप्रिल रोजी संध्याकाळी उघडकीस आली आहे. पाचोरा पोलीस स्टेशनला अकस्मात मृत्यूची नोंद करण्यात आली आहे.
राजेंद्र बाबुलाल भिल (वय ५५ वर्ष, रा. सामनेर ता. पाचोरा) असे मयत शेतकऱ्याचे नाव आहे. त्यांचे पश्चात आई, पत्नी, मुलगा, विवाहित मुलगी असा परिवार आहे. शेतीवर त्यांच्या परिवाराचा उदरनिर्वाह सुरु होता.(केसीएन)राजेंद्र भिल हे गुरुवारी दुपारीच घरातून निघून गेले होते. घरी उशिराने परत आले नाही म्हणून त्यांचा शोध घेणे सुरू असतानाच त्यांनी सामनेर शिवारातील शेतात आंब्याच्या झाडाला गळफास घेतलेल्या अवस्थेत दिसून आले.
ग्रामस्थांच्या मदतीने पाचोरा ग्रामीण रुग्णालय येथे कुटुंबीयांनी आणले असता तेथे डॉक्टरांनी तपासून मयत घोषित केले. यावेळी कुटुंबीयांनी आक्रोश केला. या घटनेने सामनेर परिसरात शोककळा पसरली आहे.(केसीएन)घटनेप्रकरणी पाचोरा पोलीस स्टेशन येथे अकस्मात मृत्यूची नोंद करण्यात आली असून या घटनेचा पुढील तपास पाचोरा पोलीस स्टेशनचे पोलीस निरीक्षक अशोक पवार यांचे मार्गदर्शनाखाली पोलीस करीत आहेत.
