जामनेर तालुक्यातील पहुर कसबे येथील घटना
जामनेर (प्रतिनिधी) : पहूर कसबे परिसरातील १५ ते २० शेतकऱ्यांच्या शेतातील कृषी आणि सोलर पंपाच्या केबल एकाच रात्री चोरट्यांनी लांबविल्याची घटना उघडकीस आली आहे. याप्रकरणी संतप्त शेतकऱ्यांनी पहूर पोलिसात तक्रार दिल्याचे सांगितले.
पहूर कसबे शिवारातील सोलर व कृषी पंपाच्या केबल दि १७ रोजी रात्रीच्या सुमारास अज्ञात चोरट्यांनी लंपास केल्याची घटना गुरुवारी उघडकीस आली आहे. याप्रकरणी संतप्त शेतकऱ्यांनी पोलिस निरीक्षक सचिन सानप यांची भेट घेऊन कारवाईची मागणी निवेदनाद्वारे केली आहे. या निवेदनावर संदीप पाटील, रवींद्र पवार, दिनेश बनकर, जगदीश कचरे, दिनकर बनकर, देवेंद्र घोंगडे, विठ्ठल बनकर, प्रकाश बनकर, शेषराव पाटील यांच्या स्वाक्षऱ्या आहेत.
