भुसावळ तालुक्यातील विल्हाळे येथील घटना
भुसावळ ( प्रतिनिधी ) – तालुक्यातील विल्हाळे येथील एका शेतकऱ्याचा शेतात मशागत करताना मशीनमध्ये हात आणि पाय अडकल्याने गंभीर जखमी होऊन मृत्यू झाल्याची घटना बुधवारी दुपारी साडेतीन वाजता घडली. या प्रकरणी वरणगाव पोलिसात अकस्मात मृत्यूची नोंद करण्यात आला आहे.
कचरू उघडू सुरवाडे (वय ७०) असे मयत शेतकऱ्याचे नाव आहे.कचरू सुरवाडे यांच्या पश्चात पत्नी, दोन मुले, दोन मुली, सुना आणि नातवंडे असा परिवार आहे. विल्हाळे येथील शेतकरी कचरू सुरवाडे यांनी बटाईने घेतलेल्या शेतात रोटरच्या सहाय्याने मशागतीचे काम सुरू केले होते.(केसीएन)मात्र, काम करत असताना अचानक ट्रॅक्टरवरील तोल जाऊन ते खाली पडले आणि थेट रोटर मशीनमध्ये अडकले. या भीषण अपघातात त्यांचे हात आणि पाय कापले गेले आणि त्यांनी घटनास्थळीच प्राण सोडले. या प्रकरणी वरणगाव पोलिसात अकस्मात मृत्यूची नोंद करण्यात आला आहे. या घटनेने गावात शोककळा पसरली आहे.
