रावेर तालुक्यात लाभली पर्यटनाची मोठी संधी खुली
चंद्रकांत कोळी
रावेर (प्रतीनिधी) :- जिल्ह्यातील नागरिकांना रावेर तालुक्यात पर्यटनाची संधी लाभली आहे. पर्यटकांना सातपुडा पर्वत खुणावत असून येथे जंगल सफारीची संधी वनविभागाकडून सुरु झाली आहे. नागरिकांनी लाभ घेण्याचे आवाहन वनविभागाकडून करण्यात आले आहे.
जळगावचे रहिवासी शंकर पवार हे व त्यांचे सहकारी सातपुडा जंगल सफारीसाठी आले असता त्यांनी रावेर वनक्षेत्रातील नियतक्षेत्र गारबर्डी, लोहारा, कुसुंबा क्षेत्रात सकाळी सात वाजेपासून जंगल सफारीस सुरुवात केली. सुरुवातीलाच मोर, लांडोर यांचे ग्रुप दिसून आले. पुढे शिकारी पक्षी वाईहिट आय बाजड व सिरकीर मालकोवा पक्षी दिसून आलेत. त्यानंतर साधारण ८ वाजेच्या सुमारास सफारी रस्त्याने रुबाबात चालत असणारा बिबट दिसून आला. त्यापासून पाच ते सहाशे मीटर अंतरावर सातपुडा जंगल सफारीत प्रथमच वाघोबाचे दर्शन झाले. या सफरीत श्री पावरगंगोत्री धबधबा, चिंचाटी धरण, अंजन कुटी, बांबू कुटी, नेकलेस पॉईंट,सातपुडा व्ह्यू पॉईंट पाहण्यात आला. त्यांचे दृश्य मोबाईल मध्ये टिपले.
जळगाव जिल्हातील पाल हे हिमालय,शिमला, उत्तराखंड याची अनुभूती देते. येथील जंगल निसर्गरम्य असून या परिसरात पर्यटकांची खूपच कमतरता आहे.अंजन मचाणावरून पाहिलेले चिंचाटी धरण परिसर ताडोबा जंगलाची आठवण करून देतो. तसेच १५० ते २०० फुटाचा अंतरावरून पडणारे गंगोत्री धबधब्याचे पाणी धूत सागरासारखे दिसते. यावल वन विभागातील सातपुडा जंगल सफारी करून मला व माझ्या सहकाऱ्यांना खूप आनंद मिळाला. भविष्यात सातपुडा जंगल सफारीचा परिसर नक्कीच नाव रुपयाला येईल यात शंकाच नाही, असे मत त्यांनी व्यक्त केले.
यावल वनविभाग अंतर्गत रावेर वनक्षेत्रातील सातपुडा जंगल सफारीचे काम अंतिम टप्प्यात असून पार्टकांना जंगल सफारीत वाघ, बिबट दिसणे हि आनंदाची गोष्ट असून भविष्यात सातपुडा जंगल सफारी पर्यटकांना आकर्षित करेल व स्थानिक पातळीवर शासन रोजगार निर्मिती होईल, असे जमीर शेख, उप वनसंरक्षक, यावल यांनी सांगितले.
