चोपडा शहर पोलिसांची कारवाई ; ३७ लाख,३७ हजाराचा मुद्देमाल हस्तगत
चोपडा (प्रतिनिधी )- शहर पोलिसांनी धडक कारवाईत अवैध शस्त्र खरेदी विक्री व्यवहार करण्याच्या इराद्यात असणाऱ्या साताऱ्याच्या चौघांच्या मुसक्या आवळल्या असून ६ गावठी कट्ट्यासह ३० जिवंत काडतुसे जप्त केल्याची घटना घडली.यात चारचाकी वाहनासह ३७ लाख,३७ हजाराचा मुद्दे माल पोलिसांनी हस्तगत केला आहे.हे चौघे सातारा जिल्ह्यातील असून उमर्टी ,ता.वरला जि.बडवानी येथील सागर सरदार (शिखलकर) यांच्या कडून विक्रीसाठी घेऊन जात असल्याची माहिती पुढे आली आहे.
१७ रोजी रात्री 9.30 वाजेच्या सुमारास चोपडा ते शिरपुर रोडवर एस्सार पेट्रोलपंपाजवळ आरोपी गणेश उर्फ सनी सुनिल शिंदे वय २५ रा. ओगलेवाडी ता. कराड जि.सातारा ,मोहसीन मुजावर वय ३० रा. युवराज पाटील चौक, मसुर ता.कराड जि. सातारा , रिजवान रज्जाक नदाफ वय २३ रा. शिवाजी चौक, मलकापुर ता. कराड, जि. सातारा व अक्षय दिलीप पाटील वय २८ रविवार पेठ, कराड जि.सातारा अशांनी अवैद्य शस्त्र खरेदी विक्री करणारा आरोपी सुरज विष्णु सांळुखे रा.कराड जि.सातारा याचे सांगण्यावरून आरोपी सागर सरदार पुर्ण नाव माहिती नाही (शिखलकर) रा. पारउमर्टी ता. वरला जि. बडवानी याच्या जवळून ६ गावठी बनावटीचे पिस्टल (कट्टा) मॅग्झीनसह तसेच ३० पिवळया धातुचे जिवंत काडतुस हे विनापरवाना व बेकायदेशीर रित्या स्वतःजवळ बाळगून कोणास तरी विक्री करण्याच्या उद्देशाने आढळून आल्याने चारही जणांना ताब्यात घेण्यात आले.
गोपनीय माहितीच्या आधारे सापळा रचून पोलिसांनी या आरोपींना शिताफीने अटक केली आहे. त्यांच्या ताब्यातील १ लाख रुपये किंमतीचे ६गावठी कट्टे, ३० हजार रुपये किंमतीचे 30 जिंवत काडतूस, ८७ हजार रुपये किमंतीचे ४ मोबाईल फोन व ३५ लाख रुपये किमंतीची फोर्ड एन्डेव्हर कपंनीचे वाहन क्रंमाक MH 508181 या चार चाकी वाहनासह 37,37000/- किमंतीच्या मुद्देमाल जप्त करण्यात आला आहे. व 6 ही आरोपी संगनमताने गुन्हा करतांना मिळुन आल्याने चोपडा शहर पोस्टे. भाग 5 गुरनं. 336 / 2022 भादंवि कलम 34 प्रमाणे आर्म अॅक्ट 3/25, 7/25 अंतर्गत गुन्हा दाखल करण्यात आला.
ही धडक कारवाई पोलीस अधीक्षक डॉ. प्रविण मुंढे, अप्पर पोलीस अधीक्षक रमेश चोपडे, सहा. पोलीस अधीक्षक चोपडा विभाग कृषीकेश रावले यांच्या मार्गदर्शनाखाली व पोलीस निरिक्षक अवतारसिंग चव्हाण यांच्या नेतृत्वाखाली पोहेकॉ. दिपक विसावे, पोना. संतोष पारधी, पोना. संदिप भोई, पोकाँ. शुभम पाटील, पोकाँ. प्रमोद पवार व पोकाँ. प्रकाश मथुरे आदिंच्या पथकाने केली. पुढील तपास सहाय्यक पोलीस निरिक्षक अजित सावळे हे करीत आहेत.
