पाचोरा तालुक्यातील सामनेर येथील घटना
पाचोरा (प्रतिनिधी) – तालुक्यातील सामनेर परिसरात चोरट्यानी धुमाकूळ घातला असून एकाच रात्री सहा ठिकाणी चोरीच्या घटनेने घबराट निर्माण झाली आहे. सोमवारी रात्री सहा ठिकाणी चोरट्यांनी घरफोडी केली. हजारो रुपयांचा ऐवज घेऊन चोरटे पसार झाले. पाचोरा पोलीस स्टेशनला गुन्हा दाखल करण्यात आला आहे.
सामनेर येथील दत्तात्रय विश्वनाथ पाटील यांच्या किराणा दुकानाचे शटर तोडून घरातील ३० हजार रोख, ५०० ग्रॅम चांदीचे शिक्के चोरून नेले. सुनील पाटील यांचे १५ हजार रुपये अज्ञाताने चोरून नेले. विकास माधवराव पाटील, गणेश आनंदा बडगुजर, रघुनाथ बळीराम भदाणे, भगवान बडगुजर यांच्या घरी कुणीही नसल्याने घराचे कुलूप तोडून हजारो रुपयांचा ऐवज घेऊन चोरटे पसार झाल्याचा अंदाज आहे.
या सर्व प्रकारामुळे गावातील ग्रामस्थांमध्ये भीतीचे वातावरण निर्माण झाले आहे. पोलिस उपनिरीक्षक तुकाराम चव्हाणके, बीट अंमलदार वाघमारे यांनी घटनास्थळी जाऊन पंचनामा केला.
