बोदवड येथे लाचलुचपत प्रतिबंधक विभागाची कारवाई
जळगाव (प्रतिनिधी) – रेशनकार्डमध्ये नाव कमी करण्यासाठी एक हजाराची लाच मागणाऱ्या पुरवठा विभागाच्या लिपीकाला जळगाव लाचलुचपत विभागाने रंगेहात पकडला आहे. बोदवड पोलीस स्टेशनला गुन्हा दाखल करण्यात आला आहे.
बोदवड तालुक्यातील नांदगाव येथील तक्रारदार यांच्या रेशनकार्डवर आईचे व मुलाचे नाव कमी करून नवीन रेशनकार्ड करण्यासाठी बोदवड तहसिल कार्यालयात अर्ज केला होता. हे काम करण्यासाठी पुरवठा विभागाचे लिपिक लोकसेवक उमेश बळीराम दाते (वय-५५, रा. बोदवड, जि.जळगाव) याने १ हजार रुपयांची मागणी केली. त्यानुसार तक्रारदार यांनी जळगाव लाचलुचपत विभागाकडे तक्रार केली. लाचलुचपत विभागाच्या पथकाने सापळा रचला. बोदवड तहसिल कार्यालय येथे उमेश दाते याला स्वतः १ हजार रुपये स्विकारतांना रंगेहाथ पकडण्यात आले आहे. या प्रकरणी बोदवड पोलीस ठाण्यात गुन्हा दाखल करण्यात आला आहे.
कारवाई पोलिस उप अधीक्षक सुहास देशमुख, पोनि अमोल वालझाडे, स.फौ.दिनेशसिंग पाटील,स.फौ.सुरेश पाटील, पोहेकॉ रविंद्र घुगे, म.पो.हे.कॉ.शैला धनगर,पो.ना.किशोर महाजन, पो.ना.सुनिल वानखेडे, पो.ना.बाळु मराठे, पो.कॉ.प्रदिप पोळ, पो.कॉ.अमोल सुर्यवंशी, पो.कॉ.राकेश दुसाने, पो.कॉ.प्रणेश ठाकुर, यांनी केली आहे.
