चाळीसगाव ( प्रतिनिधी ) – शहरातील स्टेशन रोडवरील बँक ऑफ बडोदा समोरील व गटार पाणी तुंबणाऱ्या व खड्डेमय रस्त्याची दुरुस्ती नुकतीच आमदार मंगेश चव्हाण यांनी पुढाकार घेऊन स्वखर्चाने करून घेतली. या त्रासामुळे वाहनचालक व व्यापारी वैतागले होते आज व्यापाऱ्यांनी आमदार मंगेश चव्हाण यांची भेट घेऊन आभार व्यक्त केले.
कापड आणि रेडिमेड असोसिएशनचे प्रीतेश कटारिया, राहुल करवा, हरीश जैन, मंगेश खलाले, गणेश बागड, प्रकाश शीनकर, राहुल बागड, अजय मीलानी, श्रेणीक सोलंकी, पप्पू वाणी व इतर व्यापारी बांधव तसेच भाजप विधानसभा क्षेत्रप्रमुख अनिल नागरे, उपखेडचे लोकनियुक्त सरपंच महेश मगर, भाजपा शहर सरचिटणीस योगेश खंडेलवाल, नीलकंठ मगर, कैलास नाना पाटील आदी उपस्थित होते.
पाणीपुरवठा योजनांच्या कामामुळे रस्ते सुधारणा करण्यासाठी तांत्रिक अडचणी आल्या मात्र आपली देखील सामाजिक जबाबदारी आहे या नात्याने मी केवळ माझे कर्तव्य पार पाडले असून शहराच्या हितासाठी तसेच अर्थव्यवस्थेचा कणा असणाऱ्या व्यापारी वर्गाला चांगल्या वातावरणात उद्योग व्यवसाय करता यावा यासाठी नेहमीच प्रयत्नशील राहणार असल्याचे आमदार मंगेश चव्हाण यांनी सांगितले.
