राज्य निवडणूक आयोगाची आज पत्रकार परिषद
जळगाव (प्रतिनिधी) : राज्यातील काही महानगरपालिकांच्या निवडणुकांची घोषणा आज दि. १५ रोजी राज्य निवडणूक आयोग करण्याची शक्यता आहे. त्याबाबत आज दुपारी त्यांची पत्रकार परिषद आयोजित करण्यात आली आहे.
राज्यातील महानगरांसह एकूण २९ महानगरपालिकांच्या नगरसेवकांची मुदत संपली आहे. त्यामुळे सर्व ठिकाणी प्रशासक म्हणून आयुक्त कामकाज पाहत आहेत. याठिकाणी आता आचारसंहिता लागणार म्हणून इच्छुक उमेदवारांच्या मुलाखती प्रक्रिया देखील सुरु करण्यात आल्या आहेत. जळगाव शहर महानगरपालिकेत एकूण १९ प्रभागातून ७५ नगरसेवक निवडून येणार आहेत. त्याकरिता सर्वच पक्षाकडून मोर्चेबांधणी सुरु झाली आहे. इच्छुकांची भाऊगर्दी वाढली आहे.
