भुसावळ तालुक्यात झाल्या होत्या स्पर्धा
रावेर (प्रतीनीधी) :- बियाणी इंग्लिश मेडीयम स्कूल, भुसावळ येथे शालेय जिल्हास्तरीय क्रिडास्पर्धेचे आयोजन करण्यात आले होते. त्यात माध्यमिक विद्यालय, पुरी गोलवाडे ता.रावेर येथील १७ वर्षे वयोगटातील विद्यार्थिनींनी रस्सीखेच स्पर्धेत जिल्ह्यातुन प्रथम क्रमांक मिळवला व सदरील विद्यार्थ्यांची नाशिक विभागीय स्पर्धेत निवड झाली. स्पर्धेचे कार्याध्यक्ष प्रदीप साखरे, सचिव संजय निकम, कार्यकारी अध्यक्ष प्रशांत महाजन, देवानंद उन्हाळे, पंकज पाटील यांनी स्पर्धेचे कामकाज पाहिले. स्वामी समर्थ संस्थेचे अध्यक्ष मनोज पाटील, संस्थेच्या सचिव प्रतीक्षा पाटील, शाळेचे मुख्याध्यापक राहुल पाटील यांनी सर्व यशस्वी विद्यार्थ्यांचे अभिनंदन व कौतुक केले.
