जळगाव तालुक्यातील शिरसोली येथील घटना
जळगाव (प्रतिनिधी) : – तालुक्यातील शिरसोली प्र.बो. येथे एका प्रौढाने राहत्या घरी गळफास घेऊन आत्महत्या केल्याची धक्कादायक घटना बुधवार दि. ७ मे रोजी दुपारी दीड वाजेच्या सुमारास उघडकीस आली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद घेण्याचे काम सुरू होते.
एकनाथ यशवंत चौधरी (वय ५२, रा.शिरसोली प्र. बो. ता. जळगाव) असे मयत इसमाचे नाव आहे. ते पत्नी, दोन मुली, यांच्यासह राहत होते. खाजगी वाहनावर चालक म्हणून ते काम करीत होते.(केसीएन) दरम्यान एकनाथ चौधरी यांच्या पत्नी १५ दिवसापासून बाहेरगावी गेले आहेत. बुधवारी दुपारी घरी कोणी नसताना एकनाथ चौधरी यांनी राहत्या घरी छताला गळफास लावून घेत आत्महत्या केली.
कुटुंबीयांना घटना कळताच त्यांनी तातडीने एकनाथ चौधरी यांना शासकीय वैद्यकीय महाविद्यालय व रुग्णालय, जळगाव येथे उपचारासाठी दाखल केले असता वैद्यकीय अधिकाऱ्यांनी तपासून मयत घोषित केले.(केसीएन)यावेळी कुटुंबीयांनी एकच आक्रोश केला. दरम्यान, एकनाथ चौधरी यांच्या मृत्यूमुळे शिरसोली गावावर शोककळा पसरली आहे. एमआयडीसी पोलीस स्टेशनला अकस्मात मृत्यूची नोंद घेण्याचे काम सुरू होते.
