धरणगाव तालुक्यातील चांदसर येथे घडली होती घटना
धरणगाव (प्रतिनिधी) :- तालुक्यातील चांदसर येथे मुलाने दारू पिण्याचा कारणावरून वडिलांना विळा मारून जखमी केले होते. त्यांचा दि. ११ ऑगस्ट रोजी सकाळी उपचार सुरू असताना मृत्यू झाला. याप्रकरणी मुलाला अटक करण्यात आली आहे. पित्याच्या मृत्यूमुळे चांदसर गावांमध्ये शोककळा पसरली आहे.
चांदसर येथे दि. ५ रोजी रात्री दहा वाजण्याचा सुमारास वडील छगन यादव कोळी व मुलगा समाधान छगन कोळी यांच्यात मुलाच्या दारू पिण्यावरून वाद झाला. यावेळी मुलाने बाजूला असलेल्या विळ्याने वडील छगन कोळी यांचे पोटावर जबर वार करुन त्यांना गंभीर जखमी केले होते.
त्यांना शासकीय वैद्यकीय महाविद्यालय व रुग्णालयात दाखल करण्यात आले होते. त्यांचा उपचार सुरू असताना सकाळी मृत्यू झाला. या बाबत राजू सीताराम सोनवणे यांनी दिलेल्या फिर्यादीनुसार समाधान छगन कोळी यांच्याविरोधात गुन्हा दाखल करण्यात आला असून त्याला अटक करण्यात आली आहे. या घटनेचा तपास स. पो. नि. प्रशांत कंडारे, योगेश सोनवणे करीत आहेत.
