उपमुख्यमंत्री देवेंद्र फडणवीस यांच्या उपस्थितीत पक्ष प्रवेश
जामनेर (प्रतिनिधी) :- तालुक्यातील सामाजिक कार्यकर्ते प्रफुल्ल लोढा यांनी आज दि. २७ रोजी उपमुख्यमंत्री देवेंद्र फडणवीस यांच्या उपस्थितीत भारतीय जनता पक्षात प्रवेश केला आहे. लोढा यांच्या या घरवापसीमुळे तालुक्यात भाजपा पक्षाला बळ मिळणार असल्याचे बोलले जात आहे.
प्रफुल्ल लोढा यांचा सामाजिक क्षेत्रातील उल्लेखनीय कार्याचा अनुभव असून, त्यांनी आरोग्यदूत म्हणून जनतेमध्ये एक महत्त्वपूर्ण स्थान निर्माण केले होते . त्यांच्या पक्षप्रवेशाने भाजपाचे स्थान जामनेरमध्ये अधिक मजबूत होणार आहे. यावेळी उपमुख्यमंत्री देवेंद्र फडणवीस यांनी लोढा यांचे स्वागत करत त्यांच्या कार्याची प्रशंसा केली आणि तालुक्यातील भाजपाच्या लोककल्याणकारी कार्यक्रमांना प्रोत्साहन देण्याबाबत विश्वास व्यक्त केला. या पक्ष प्रवेश वेळी रामेश्वर नाईक, प्रमोद कचरे, राजू कापडे यांच्यासह अनेक कार्यकर्ते उपस्थित होते.
