रावेर तालुक्यातील ग्रामीण भागात संवाद
जळगाव (प्रतिनिधी) : रावेर लोकसभा मतदार संघातील महाविकास आघाडीचे राष्ट्रवादी काँग्रेस शरद पवार गटाचे उमेदवार श्रीराम पाटील यांनी रावेर तालुक्यातील मतदारांच्या भेटी घेण्यासाठी सकाळी रावेर येथून निघाले. मतदारांच्या भेटी घेत असतांना अचानक पाऊस सुरु झाला मात्र न थांबता त्यांनी थेट मतदारांशी संवाद साधला. यावेळी सोबत असलेले आमदार शिरीष चौधरी यांनी पाटील यांना प्रचंड मतांनी विजयी करण्याचे नागरिकांना आवाहन केले.
महाविकास आघाडीचे उमेदवार श्रीराम पाटील यांनी रावेर तालुक्यातील भोकरी, केऱ्हाळा, अहिरवाडी, करजोद, खानापूर, वाघोड, मोरगाव, खिरवड येथील मतदारांच्या भेटी घेतल्यायावेळी आमदार शिरीष चौधरी, राष्ट्रवादी किसान जिल्हाध्यक्ष सोपान पाटील, शिवसेना (उबाठा गट) जिल्हा उपप्रमुख योगीराज पाटील, राष्ट्रवादी तालुकाध्यक्ष किशोर पाटील, काँग्रेसचे तालुकाध्यक्ष डॉ राजेंद्र पाटील, माजी नगराध्यक्ष शीतल पाटील, प्रकाश पाटील, यांच्यासह माजी नगराध्यक्ष शीतल पाटील, प्रकाश पाटील, यांच्यासह महाविकास आघाडीतील सर्वघटक पक्षांचे पदाधिकारी व कार्यकर्ते उपस्थित होते.
