पाचोरा तालुक्यातील घटना
पाचोरा (प्रतिनिधी) :- पोस्टल मतपत्रिका व्हायरल केल्याप्रकरणी सीमा सुरक्षा दलाच्या जवानावर पाचोरा पोलिसांत गुन्हा दाखल करण्यात आला आहे.
कमलेश हेमराज पाटील, (रा. तारखेडा, ता. पाचोरा) असे या गुन्हा दाखल झालेल्या जवानाचे नाव आहे. त्याला पाचोरा विधानसभा मतदारसंघातील निवडणुकीची पोस्टल मतपत्रिका पुरवण्यात आली होती. त्यावर त्याने मतदान करून ही मतपत्रिका व्हॉट्सअॅपवर प्रसारित केली. याप्रकरणी भडगावच्या तहसीलदार शीतल सोलट यांनी कमलेशशी संपर्क साधला.
त्यावर त्याने ही मतपत्रिका व्हायरल केल्याची कबुली दिली. याप्रकरणी निवडणूक नायब तहसीलदार रणजीत निंबा पाटील यांनी फिर्याद दिली. त्यावरून या सीमा सुरक्षा बलाच्या जवानावर गुन्हा दाखल करण्यात आला आहे.
