एलसीबीला संदीप पाटील तर शनिपेठला कावेरी कमलाकर, आव्हाडांकडे एमआयडीसी !
जळगाव ( प्रतिनिधी ) – जिल्ह्यातील १४ पोलीस अधिकाऱ्यांच्या बदल्या झाल्या असून एलसीबीला एमआयडीसीचे संदीप पाटील यांची तर एलसीबीचे बबन आव्हाड यांची एमआयडीसी पोलीस स्टेशनला बदली झाली आहे.
पोलीस अधीक्षक महेश्वर रेड्डी यांनी १४ अधिकाऱ्यांची बदली केली आहे. त्यात चोपडा ग्रामीणच्या कावेरी कमलाकर यांची शनीपेठ, जळगाव तर शनीपेठचे रंगनाथ धारबळे यांची यावल, यावलचे प्रदीप ठाकूर जिल्हापेठ, पहुरचे पो. नि. सचिन सानप याना पारोळा तर पारोळ्याचे सुनील पवार यांची नियंत्रण कक्षात बदली झाली आहे. अमळनेर पोलीस स्टेशनचे पोनि दत्तात्रय निकम यांना अमळनेर येथेच कायम करण्यात आले आहे.
सपोनि प्रमोद कठोरे (आगुशा) याना पहुरचे प्रभारी म्हणून नियुक्ती देण्यात आली. तर वरणगावचे सपोनि जनार्दन खंडेराव हे यावल, भुसावळ बाजारपेठचे सपोनि अमितकुमार बागुल याना वरणगावचे प्रभारी म्हणून नियुक्त करण्यात आले. पिंपळगाव हरेश्वरचे सपोनि प्रकाश काळे यांची जळगाव शहर तर जळगाव शहर तेथील कल्याणी वर्मा पिंपळगाव हरेश्वरला आणि पाचोऱ्याचे सपोनि सोपान गोरे यांची एलसीबीला बदली झाली आहे.
