जळगावातील पिंप्राळा परिसरातील घटना
जळगाव (प्रतिनिधी ) ;- बंद घर फोडून घरातून सोन्या-चांदीचे दागिने आणि रोख रक्कम असा एकूण ६० हजार रुपये किमतीचा ऐवज अज्ञात चोरट्यांनी चोरून नेल्याची घटना पिंप्राळा परिसरातील विद्यानगरात १३ जुलै रोजी सकाळी ८ वाजता उघडकीस आली असून याप्रकरणी गुरुवारी १८ जुलै रोजी रात्री १० वाजता रामानंदनगर पोलिसात गुन्हा दाखल करण्यात आला आहे.
पिंप्राळा परिसरातील विद्यानगरात सपना अभिषेक जैन रा.भोपाल मध्यप्रदेश यांच्या वडीलांचे घर आहे. काही दिवसांपासून त्यांच्या वडीलांचे घर बंद असल्याने चोरट्यांनी बंद घराच्या दरवाजाचे कडीकोयंडा तोडून घरातून सोन्या-चांदीचे दागिने आणि रोख रक्कम असा ५९ हजार रुपये किमतीचा ऐवज चोरून नेला. ही घटना सपना जैन यांना माहीत झाल्याने त्यांनी घर तपासून पाहिले असता घरात चोरी झाल्याचे समोर आले. त्यानंतर त्यांनी रामानंद नगर पोलीसात अज्ञात चोरट्यांवर गुन्हा दाखल करण्यात आला आहे. तपास पोहेकॉ सुशील चौधरी करीत आहे.
