मराठा महासंघाने दिला जाहीर पाठिंबा
जळगाव (प्रतिनिधी ) ;- एरंडोल पारोळा मतदार संघाचे महायुतीचे उमेदवार अमोल पाटील यांनी आज पारोळा तालुक्यातील पारोळा तालुक्यातील सांगवी, पळासखेडे बु व खु, इटवे, विटनेर, रामनगर, सार्वे, सावखेडा होळ, सावखेडा तुर्क, सावखेडा मराठ, बाभळेनाग, नगांव व म्हसवे आदी ठिकाणी प्रचार केला . यावेळी त्यांचे ठिकठिकाणी भव्य स्वागत करण्यात येऊन औक्षण करण्यात आले . तसेच त्यांची घोड्यावरून रॅली काढण्यात आली . अमोल पाटील यांना मतदारांचा उत्स्फूर्त प्रतिसाद मिळाला.
अखिल भारतीय मराठा महासंघाचा पाठींबा
महायुतीचे उमेदवार अमोल चिमणराव पाटील यांना अखिल भारतीय मराठा महासंघाने आपला जाहीर पाठिंबा दिला . यावेळी अखिल भारतीय मराठा महासंघाचे जिल्हाध्यक्ष मा.दिलीप पाटील, जिल्हा संपर्कप्रमुख खुशाल बिडे, जिल्हा कोषाध्यक्ष अशोक भोसले, जिल्हा सदस्य अमोल पाटील, शेखर पाटील यांनी आमदार मा.आबासाहेब चिमणरावजी पाटील यांची भेट घेवुन जाहीर पाठींबा बाबतचे पत्रक सुपुर्द केले. प्रसंगी जिल्हाप्रमुख वासुदेव पाटील, तालुकाप्रमुख मधुकरआबा पाटील, मुख्यमंत्री-माझी लाडकी बहीण योजनेचे एरंडोल विधानसभा अध्यक्ष कुणालभाऊ महाजन उपस्थित होते.
