पारोळा ( प्रतिनिधी ) – पारोळा शहरातून कजगावकडे जाणाऱ्या रस्त्याची दुर्दशा झाली असून प्रशासनाने या समस्येकडे गांभीर्याने लक्ष न दिल्यास रस्ता दुरुस्तीसाठी आंदोलन करण्यात येईल असा इशारा मनसे पदाधिकाऱ्यांनी तहसीलदारांना दिलेल्या निवेदनात दिला आहे .
पारोळा शहरातून कजगावकडे जाणाऱ्या रस्त्याची दुर्दशा झाली आहे हा रास्ता अत्यंत रहदारीचा आणि व्यापारी दृष्टीने महत्वाचा आहे . या रस्त्यावर मोठे खड्डे पडले आहेत या खड्ड्यांमध्ये परिसरातील गटारीचे पाणी वाहत येते या गटारींचीही दुर्दशा झाली आहे . घाण साचून राहत असल्याने स्थानिक रहिवाशांचे आरोग्य धिक्यात आले आहे . मोठ्या खड्ड्यांमुळे अवजड वाहनाचा अपघात होण्याची शक्यता नाकारता येत नाही . येत्या १५ दिवसात रस्ता आणि गटारी दुरुस्तीचे काम सुरु न झाल्यास आंदोलन करण्यात येईल असा इशारा मनसे पदाधिकाऱ्यांनी तहसीलदारांना दिलेल्या निवेदनात दिला आहे .
या निवेदनावर मनसेचे जिल्हा उपाध्यक्ष प्रज्ज्वल चव्हाण , तालुकाध्यक्ष अँड वसंत पवार , शहराध्यक्ष मिलिंद शार्दूल , तालुका उपाध्यक्ष दादाभाऊ पाटील आदींच्या सह्या आहेत .
