भागपूर सिंचन योजनेच्या प्रस्तावास मंजुरी मिळाल्याबद्दल मानले धन्यवाद
जळगाव (प्रतिनिधी) : पालकमंत्री गुलाबराव पाटील यांच्या पाठपुराव्यामुळे भागपूर उपसा सिंचन योजनेच्या ३ हजार ५५३ कोटींच्या सुधारित प्रस्तावास मंत्रिमंडळाची मंजुरी मिळाली. यामुळे जळगाव तालुक्यातील भागपुर- वावडदासह २५ गावांच्या तसेच जामनेर व पाचोरा तालुक्यांतील शेतकऱ्यांची ३० हजार हेक्टर जमीन ओलिताखाली येणार असल्याने शेतकऱ्यांना मोठा दिलासा मिळाला आहे. यानिमित्त पालकमंत्री गुलाबराव पाटील यांचा सत्कार करण्यात आला.
यावेळी जिल्हा परिषद माजी सदस्य पवन सोनवणे, बिलवाडी गावाचे लोकनियुक्त सरपंच विनोद पाटील, उपसरपंच धोंडू जगताप, ग्रामपंचायत सदस्य समाधान पाटील, आबा गोपाळ, कार्यकर्ते सोपान पाटील, भरत पाटील व परिसरातील शेतकरी बांधव यांची उपस्थिती लाभली.
