पाचोरा (प्रतिनिधी) : हनुमान जन्मोत्सव निमित्त शिवसेना -युवासेना तर्फे पाचोरा येथे प्राचीन हनुमान मंदिरात हनुमान चालीसा पठणाचा कार्यक्रम मोठ्या उत्साहात संपन्न झाला. पंतप्रधान नरेंद्र मोदी हे पुन्हा पंतप्रधान व्हावे , उमेदवार स्मिताताई वाघ ह्या प्रचंड मताधिक्याने निवडून याव्यात यासाठी हनुमान चालीसा पठणाचा कार्यक्रम आ. किशोर पाटील यांच्या प्रमुख उपस्थितीत शेकडो कार्यकर्त्यांच्या उपस्थितीत पार पडला.
पाचोरा – भडगाव विधानसभा मतदारसंघातून सर्वाधिक मताधिक्य शिवसेना- भाजपा – राष्ट्रवादि कॉंग्रेस पार्टीच्या घटक पक्ष महायुतीच्या उमेदवार स्मिताताई वाघ यांना सर्वाधिक मताधीक्याने निवडून आणून महाराष्ट्र नव्हे तर देशात ५ नंबर मध्ये आपल्या जळगाव लोकसभेचा नंबर यायलाच पाहिजेल. यासाठी जोराने कामाला लागावे असे आवाहनही करण्यात आले. माजी नगराध्यक्ष संजय गोहील, कृषी उत्पन्न बाजार समितीचे सभापती गणेश पाटील, कृषी उत्पन्न बाजार समितीचे संचालक तथा शिवसेना तालुकाप्रमुख सुनील पाटील , शिवसेना उपजिल्हाप्रमुख किशोर बारावकर, युवासेना जिल्हाप्रमुख जितू जैन, माजी उपनगराध्यक्ष शरद पाटे, शिवसेना शहरप्रमुख बंडू चौधरी, युवासेना तालुकाप्रमुख अनिल पाटील, युवासेना शहरप्रमुख सुमित सावंत, भोला पाटील तसेच मोठ्या प्रमाणात शेकडो शिवसेना – युवासेना पदाधिकारी कार्यकर्ते उपस्थित होते.
