पाचोरा ( प्रतिनिधी ) – पाचोरा शहरातील गिरणा पपिंग रोडवरील बंद घराचे कुलूप तोडुन अज्ञात चोरट्यांनी कपाटात ठेवलेले ६८ हजार २०० रुपये किंमतीचे दागिने चोरल्याची घटना बुधवारी पहाटेच्या सुमारास उघडकीस आली आहे.
याबाबत पोलिसांकडून प्राप्त माहिती अशी की, शहरातील गिरणा पपिंग रोडवरील साई पार्क येथे संदिप उत्तम परदेशी यांच्या मालकीचे घर आहे. सदरील घरात एका खाजगी बॅंकेत शाखा व्यवस्थापक म्हणून कार्यरत असलेले पंकज एकनाथ चौधरी हे गेल्या दिड वर्षांपासुन भाडेतत्त्वावर राहायला असुन ९ डिसेंबर रोजी सायंकाळी ५ वाजता आपल्या मुळगावी शिंदखेडा, ता. धुळे येथे परिवारासह गेले होते. दरम्यान आज १४ डिसेंबर रोजी पहाटेच्या सुमारास शेजारी यांना घराचा दरवाजा उघडा दिसला असता शेजाऱ्यांनी पंकज चौधरी यांना मोबाईलद्वारे माहिती जाणुन घेतली असता पंकज हे परिवारासह गावीच असल्याचे निष्पन्न झाल्याने घरात चोरी झाल्याचा संशय बळावला. पंकज चौधरी हे तात्काळ घरी दाखल होवुन शहानिशा केली असता घरातील कपाटाच्या तिजोरीत ठेवलेले ५ ग्रॅम वजनाचे टोंगल, ५ ग्रॅम वजनाचे काॅप व ३ ग्रॅम वजनाच्या बाह्या, ७ ग्रॅम वजनाचे पॅडल पोत, २ ग्रॅम वजनाची अंगठी, २ ग्रॅम वजनाचे सोन्याचे दागिणे व १ हजार रुपये किंमतीची तीन भार वजनाची चांदीची अंगठी असा एकुण ६८ हजार २०० रुपये किंमतीच्या सोन्या – चांदीच्या दागिने चोरीस गेल्याचे उघड झाले. घटने प्रकरणी पंकज चौधरी यांच्या फिर्यादीवरून पाचोरा पोलिस स्टेशनला अज्ञात चोरट्यांविरुद्ध गुन्हा नोंदविण्यात आला असून घटनेचा पुढील तपास पोलिस निरीक्षक प्रताप इंगळे यांच्या मार्गदर्शनाखाली पोलिस नाईक नरेंद्र शिंदे हे करीत आहे.
