पाचोरा ( प्रतिनिधी ) – पाचोऱ्यात भाजपाच्या सहकार्याने कोरोना लसीकरण शिबिराक्सचे आयोजन नुकतेच करण्यात आले होते या शिबिरात दिवसभरात २५०० नागरिकांच्या लसीकरणाचा उच्चांक गाठला गेला.
भाजपाच्या सहकार्याने तालुकाध्यक्ष अमोल शिंदे यांचे मार्गदर्शनाखाली शहरातील कृष्णापुरी, बाहेरपुरा व हनुमान नगर भागात लसीकरण शिबिराचे आयोजन करण्यात आले होते. कृष्णापुरी येथील लसीकरण केंद्रावर कृष्णापुरी भागासह त्रंबकनगर, गुरुदत्तनगर, शिव कॉलनी, शंभू नगर, कोंडवाडा गल्ली, जळगाव चौफूली, मोढाळा रोड, श्रीराम नगर, श्रीकृष्ण नगर, सिंधी कॉलनी तसेच इतर भागातील नागरिकांचे लसीकरण करण्यात आले.
बाहेरपुरा येथील केंद्रावर बाहेरपुऱ्यासह श्रीराम चौक, जवाहर हौसिंग सोसायटी, आठवडे बाजार, महिजी रोड, भारतीया नगर, संभाजी नगर, गुरुदत्त नगर , देशमुख वाडी , हुसेनी चौक, मच्छीबाजार, रसूल नगर या भागातील नागरिकांचे लसीकरण झाले.
हनुमाननगर येथील लसीकरण केंद्रावर शिवाजी नगर, भिम नगर, नागसेन नगर, जनता वसाहत, वाल्मीकि नगर या परिसरातील नागरिकांचे लसीकरण झाले. तिघेही लसीकरण केंद्र मिळून तब्बल २५०० नागरिकांचे लसीकरण करून शहरातील दैनंदिन लसीकरणाचा विक्रमी उच्चांक यावेळी नोंदविला गेला या लसीकरण शिबिरात भाजपाचे पदाधिकारी , कार्यकर्ते व स्वयंसेवक यांच्यामार्फत दोन दिवस आधीच टोकन वाटप करण्यात आले होते. बॅरिकेट लावून महिला व पुरुष यांच्या स्वतंत्र रांगा तयार करण्यात आल्या होत्या. प्रत्येक लसीकरण केंद्रात महिला व पुरुषांचे स्वतंत्र लसीकरण कक्ष उभारण्यात आले होते.
नागरिकांची गैरसोय होणार नाही याची पूर्णपणे काळजी या स्वयंसेवकांमार्फत घेण्यात आली होती. त्यामुळे लसीकरणाचा हा उच्चांक गाठणं शक्य झाल्याचे भाजपा तालुकाध्यक्ष अमोल शिंदे यांनी सांगितले त्यांनी यावेळी भाजपाचे पदाधिकारी , कार्यकर्ते व स्वयंसेवक यांनी केलेल्या मेहनतीचे कौतुक केले यासाठी तालुका वैद्यकीय अधिकारी डॉ समाधान वाघ , ग्रामीण रुग्णालयाचे वैद्यकीय अधिकारी डॉ अमित साळुंखे व त्यांच्या कर्मचाऱ्यांचेदेखील विशेष सहकार्य मिळाल्याचे अमोल शिंदे यांनी सांगितले.
