वाढदिवसानिमित्त कार्यकर्त्यांकडून अनोखा सन्मान
जळगाव (प्रतिनिधी) :- पाचोरा भडगाव विधानसभा मतदारसंघाचे आ. किशोर पाटील यांच्या वाढदिवसानिमित्त शुक्रवार दि. १ नोव्हेंबर रोजी त्यांच्यावर पदाधिकारी, कार्यकर्त्यांनी शुभेच्छांचा वर्षाव केला. यावेळी काही कार्यकर्त्यांनी त्यांना पालकमंत्री व राज्यमंत्री अशा उपाधि असलेल्या पाट्या देऊन त्यांचा अनोखा सन्मान केला.
सध्या निवडणुकीचे वारे जोरात सुरू आहे. अर्ज भरण्याचा कालावधी संपल्यानंतर आता माघारीची वेळ सुरू झाली आहे. अशा कालावधीमध्ये आ. किशोर पाटील यांचा १ नोव्हेंबर रोजी वाढदिवस आला होता. ऐन लक्ष्मीपूजनाच्या दिवशी आ. किशोर पाटील यांनी त्यांच्या शिवालय या कार्यालयामध्ये कार्यकर्ते व नागरिकांकडून शुभेच्छांचा वर्षाव स्वीकारला.
यावेळी काहींनी ना. किशोर नर्मदा धनसिंग पाटील पालकमंत्री, जळगाव जिल्हा व काहींनी त्यांना ना. किशोर नर्मदा धनसिंग पाटील, राज्यमंत्री अशा नावाच्या पाट्या देऊन त्यांचे अभिनंदन केले.
