पाचोरा शहरात दोन लाखांच्या लुटीप्रकरणी गुन्हा दाखल
पाचोरा (प्रतिनिधी) : येथे एका पित्याने मुलीच्या लग्नानिमित्त २ लाख रुपये इतकी मोठी रक्कम बँकेतून काढून पिशवीत टाकून बँकेबाहेरच उभ्या असलेल्या दुचाकीला टांगली होती. मात्र अज्ञात चोरट्यांनी पाळत ठेवून ती चोरून नेली. ही घटना शुक्रवार दि. १४ जून रोजी सकाळी ११ वाजेच्या सुमारास घडली आहे. पाचोरा पोलीस स्टेशन येथे अज्ञात चोरट्याविरोधात गुन्ह्याची नोंद करण्यात आली आहे.
पाचोरा शहरातील आदर्श नगर येथील शेतकरी विलास पाटील यांनी शहरातील बुलढाणा अर्बन बँकेतील त्यांचे बँक खात्यावरुन गुरुवार दि. १४ जून रोजी सकाळी ११ वाजता २ लाख रुपये रोख रक्कम काढली होती. त्यानंतर थैलीमध्ये त्यांचे व पत्नीचे कागदपत्रे असलेली पिशवी मोटार सायकलला टांगली. ही टांगलेली पिशवी क्षणातच बँकेसमोरुन कोणीतरी अज्ञात चोरट्याने चोरी करुन नेली.
त्यांनी आरडाओरडा केली. पण तोवर चोरटा फरार झाला होता. नंतर विलास पाटील यांनी पाचोरा पोलीस स्टेशनला जाऊन फिर्याद दाखल केली. विलास पाटील यांचे फिर्यादीवरून अज्ञात व्यक्तीविरुध्द पाचोरा पोलीस स्टेशन येथे गुन्ह्याची नोंद दि. १४ जून शुक्रवार रोजी करण्यात आलेली असून या घटनेचा पुढील तपास पाचोरा पोलीस स्टेशनचे पोलीस निरीक्षक अशोक पवार यांचे मार्गदर्शनाखाली पोलीस हेड कॉन्स्टेबल दीपक सुरवाडे हे करीत आहेत.
