वैशाली सूर्यवंशी यांच्या नेतृत्वाखाली महावितरणला निवेदन
पाचोरा (प्रतिनिधी) : येथील गिरड रोडवरील वीज उपकेंद्रात आधी मंजूर करण्यात आलेले २५ एमव्हीए क्षमतेचे ट्रान्सफार्मर तातडीने बसविण्यात यावे, अन्यथा शिवसेना उद्धव बाळासाहेब ठाकरे पक्षाच्या वतीने दणकेबाज स्टाईलने आंदोलन करण्यात येईल, असा इशारा वैशाली सूर्यवंशी यांच्या नेतृत्वाखाली पक्षातर्फे महावितरणला निवेदनातून देण्यात आला आहे.
शिवसेना उद्धव बाळासाहेब ठाकरे पक्षाच्या नेत्या वैशाली सूर्यवंशी यांनी आपल्या सहकाऱ्यांसह पाचोरा येथील वीज वितरण कंपनीचे कार्यकारी अभियंता यांना ट्रांसफार्मर तातडीने बसवण्याच्या मागणीचे निवेदन दिले. या निवेदनात म्हटले आहे की, पाचोरा तालुक्यातील गिरड रोडवरील १३२/११ केव्हीए क्षमतेच्या उपकेंद्रामध्ये पूर्वी दहा केव्हीए क्षमतेचे दोन ट्रांसफार्मर होते. मात्र क्षमतेपेक्षा जास्त विजेची मागणी असल्यामुळे ते ग्राहकांना वीज उपलब्ध करून देण्यात अपूर्ण पडत होते. यामुळे या दोन्ही ट्रांसफार्मरच्या ऐवजी एकच पंचवीस एमव्हीए क्षमतेचे दोन ट्रांसफार्मर बसवण्यास शासनाने मंजुरी दिल्याचे या आधी जाहीर करण्यात आले आहे. त्यानंतर दहा एमव्हीए क्षमतेचा एक जाहीर केलेला २५ एमव्हीए क्षमतेचा दुसरा ट्रान्सफार्मर अद्यापही येथे बसवण्यात आलेला नाही. तो गायब झाला की काय ? याबाबत कोणतीही माहिती अद्याप समोर आली नाही.
ट्रांसफार्मर काढून टाकत त्याच्याऐवजी मंजूर झालेला २५ एमव्हीए क्षमतेचा एक ट्रांसफार्मर बसवण्यात आला. मात्र अलीकडेच दहा एमव्हीए क्षमतेचा दुसरा ट्रांसफार्मरदेखील नादुरुस्त झाल्यानंतर काढून टाकण्यात आला. परिणामी येथे सद्यस्थितीत एकच २५ एमव्हीए क्षमतेचा ट्रांसफार्मर कार्यरत आहे.
या वेळी ठाकरे पक्षाच्या नेत्या वैशाली सूर्यवंशी यांच्यासह उद्धव मराठे, शरद पाटील, अनिल सावंत, दीपक पाटील, अरुण पाटील, अभिषेक खंडेलवाल, संदीप जैन, अभय पाटील, हरीश देवरे, संजय चौधरी, गौरव पाटील, शशी बोरसे, शशी पाटील, गजानन सावंत, अरुण तांबे, बंटी हटकर, निखील भुसारे, संतोष पाटील, रोहित पाटील, किरण चौधरी, नाना वाघ, नितीन खेडकर, सोपान बाविस्कर यांच्यासह पदाधिकारी आणि कार्यकर्ते मोठ्या संख्येने उपस्थित होते.
