जळगाव ( प्रतिनिधी ) – भुसावळ तालुक्यातील नागरिकांसाठी शिधापत्रिका (रेशन कार्ड) संदर्भातील विविध सेवा आता ऑनलाईन माध्यमातून उपलब्ध करून देण्यात आलेल्या आहेत. नागरिकांनी घरबसल्या या सुविधांचा लाभ घेण्याचे आवाहन करण्यात आले आहे.
नवीन शिधापत्रिकेसाठी अर्ज करणे, दुय्यम शिधापत्रिका मिळवणे, शिधापत्रिकेमध्ये नाव समाविष्ट करणे किंवा कमी करणे यांसारख्या सेवा शासनाच्या www.mahafood.gov.in या संकेतस्थळावर ‘RCMS Maharashtra Public Login’ या लिंकद्वारे उपलब्ध आहेत.
नागरिकांना ऑनलाईन प्रक्रियेत येणाऱ्या अडचणी टाळण्यासाठी https://mahafood.gov.in/services/ या लिंकवर मार्गदर्शनपर माहिती अद्ययावत करण्यात आलेली आहे. त्यामुळे आता कोणत्याही शासकीय कार्यालयात न जाता नागरिक सहजपणे शिधापत्रिका संबंधी सेवा ऑनलाईन पद्धतीने घेऊ शकतात.
शिधापत्रिकेसारख्या आवश्यक सेवाही इतर शासकीय दाखल्यांप्रमाणेच ऑनलाईन उपलब्ध झाल्यामुळे पब्लिक लॉगिनचा अधिकाधिक वापर करण्याचे आवाहन प्रशासनाने केले आहे.
अधिक माहितीसाठी संबंधित QR कोड Google स्कॅनरद्वारे स्कॅन करून तपशील पाहता येईल. नागरिकांनी या ऑनलाईन सुविधांचा लाभ घेऊन वेळेची आणि श्रमांची बचत करावी, असे आवाहन करण्यात आले आहे.
