पाचोरा (प्रतिनिधी) :- शहरातील क्रीडा क्रांती मंडळाचे माजी खेळाडू एकनाथ चौधरी यांची जळगाव जिल्हा कबड्डी असोसिएशन तर्फे आयोजित करण्यात आलेल्या निवड चाचणी स्पर्धे मध्ये निवड समिती सदस्यपदी निवड करण्यात आली. यानिमित्ताने आज दि.२८ रोजी त्यांचा छत्रपती शिवाजी महाराज चौकातील सेंट्रल पॉईंट मोबाईल शॉप येथे शाल व श्रीफळ देऊन सत्कार करीत अभिनंदन करण्यात आले.
यावेळी सामाजिक कार्यकर्ते खलील देशमुख, जिल्हा कबड्डी असोसिएशन उपाध्यक्ष बशीर बागवान, जिल्हा असोसिएशन सदस्य सुरेश देवरे, चंद्रकांत लोढाया, अविनाश भालेराव, रियाज बागवान, संजय जडे, फहिम शेख, संजय गोसावी, पप्पू राजपूत, भरत खंडेलवाल यांनी अभिनंदन केले आहे.
