मुंबई (वृत्तसंस्था) – ‘हो आम्ही शिवसेनेला फसवलं, आमची चूक झाली’, असं भाजप नेते सुधीर मुनगुंटीवार यांनी केलं. यावरून उपमुख्यमंत्री अजित पवार यांनी विधानसभेत भाजपला चांगलेच चिमटे काढले. सुधीर मुनगुंटीवार म्हणतात चूक झाली, चूक झाली पण आता चुकीला माफी नाही, असं म्हणत पवारांनी बाजूला बसलेले मुख्यमंत्री उद्धव ठाकरे यांच्याकडे अजित पवारांनी कटाक्ष टाकला. त्यावर मानेने नकार देत उद्धव ठाकरेंनीही चुकीला माफी नसल्याचं म्हटलं. पवारांनी असं म्हणताच विधानसभेत हास्याचे कारंजे उडले.आपलं सरकार होणार आहे होणार आहे.. असंच तुम्हाला पाच वर्ष म्हणावं लागेल. तुम्ही नाही म्हणालात तर पाठी बसलेले आमदार उठतील आणि निघून जातील, असा टोलाही अजित पवारांनी यावेळी बोलताना लगावला.
दरम्यान, इकडे ज्योतिरादित्य सिंधीया होणार नाही, तिकडे होणार नाही याची काळजी घ्या, असा उपरोधक सल्लाही अजित पवारांनी भाजपला दिला. मी जे करायचं ते लपून करत नाही, आता मी इथे मजबूत बसलोय, असं म्हणत पवारांनी भाजपवर निशाणा साधला.
