जळगाव ( प्रतिनिधी ) – शिरसोली माहेर असलेल्या २८ वर्षीय विवाहितेला घर घेण्यासाठी ५ लाख रूपये माहेरहून आणावे यासाठी पतीसह सासरच्यांनी छळ केल्याने ३ डिसेंबर रोजी सायंकाळी पतीसह सासूच्याविरोधात गुन्हा दाखल करण्यात आला
रिता अनिकेत पवार ( वय २८, रा.- तुलसी विहार पनवेलकर, रॉयल कोर्स, बदलापूर , मुंबई , ह.मु. म्हसावद ) यांचा विवाह अनिकेत नितीन पवार ( रा – बदलापूर-) यांच्याशी झाला. सुरुवातीचे काही दिवस चांगले गेले. त्यानंतर पती अनिकेत पवार यांनी रिता पवार यांच्याकडून माहेरहून ५ लाख रुपये आणावे म्हणजेच घर घेता येईल या कारणासाठी शिवीगाळ करणे, मारहाण करणे असा छळ सुरू केला. सासू लताबाई पवार यांनीदेखील विवाहिता रिता पवार यांचा छळ केला. हा त्रास सहन न झाल्याने विवाहिता माहेरी शिरसोली येथे निघून आल्या. त्यांनी एमआयडीसी पोलीसात शुक्रवारी सायंकाळी पती अनिकेत पवार आणि सासू लताबाई पवार यांच्याविरोधात छळ केल्याप्रकरणी तक्रार दिली. त्यांच्या तक्रारीवरून एमआयडीसी पोलीस ठाण्यात गुन्हा दाखल करण्यात आला पुढील तपास स फौ राजेंद्र उगले करीत आहेत .
