जळगाव (प्रतिनिधी) – महाराष्ट्र सुवर्णकार सेना जळगाव, जिल्हा जळगाव, अखिल भारतीय अहिर सुवर्णकार शिक्षण प्रसारक संस्था, जळगाव व कर्तव्य प्रतिष्ठान, जळगाव यांच्या वतीनं सोने चांदीचे दागिने बनविणाऱ्या सुवर्णकार कारागिरांना कोविड 19 सफल भारत अर्थ सहाय्य मदत देणे बाबतचे निवेदन जिल्हाधिकारी, जळगाव व आमदार राजुमामा भोळे यांना देण्यात आले.
जळगाव- समस्त भारतात सोने- चांदीचे दागिने बनविणारे हजारो गरीब मजूर कारागीर आहेत. मागील 3 महिन्यापासून कोविड 19 या आजारामुळे झालेल्या लोकडाऊनमुळे सर्व मजूर कारागिर घरीच बसून आहेत. अन्य उत्पनाचे काहीच साधन नसून व आर्थिक परिस्थिती अत्यंत नाजूक असल्यामुळे त्यांच्या कुटुंबावर उपासमारीची वेळ आलेली आहे.
भारत सरकारने मंजूर केलेल्या उत्पनाच्या पेकेजमध्ये बांधकाम करणारे, फेरीवाले व इतर मजुरांना अर्थसाह्य करिता समाविष्ट केले आहे. त्यात सोने- चांदीचे दागिने बनविणारे गरीब मजूर कारागीरांना समाविष्ट केलेले नाही. आर्थिक विवंचनेत सापडलेल्या गरीब दागिने घडविणाऱ्या कारागीर बांधवाना जगणे अत्यंत कठीण झाले आहे.
सदर निवेदनाद्वारे केंद्र शासनाने जाहीर केलेल्या सक्षम भारत सफल भारत कोविड 19 च्या जाहीर करण्यात आलेल्या पेकेज मध्ये या सर्व सोने- चांदीचे दागिने बनविणाऱ्या गरीब मजूर कारागीर बांधवांना समाविष्ट करून आर्थिक सहाय्य-मदत देण्यात यावी. असे या निवेदनाद्वारे मा. जिल्हाधिकारी, जळगाव व मा. आमदार सुरेश दामू भोळे, जळगाव यांना सादर केले.
प्रसंगी महाराष्ट्र सुवर्णकार सेनेचे अध्यक्ष संजय विसपुते, उपाध्यक्ष विजय केशव वानखेडे, सचिव संजय पगार, योगेश भामरे, नंदू बागुल, गोकुळ सोनार, प्रकाश दापोरेकर, सुरेश सोनार, प्रशांत विसपुते इत्यादी पदाधिकारी उपस्थित होते.प्रसंगी सोशल डिस्टनसिंगची अंमलबजावणी समाज बांधवांनी केलेली आढळून आली.
