बाजारपेठ पोलिसांना तपासात यश
भुसावळ(प्रतिनिधी) : भुसावळ येथे दि. १९ च्या रात्री बाजारपेठ पोलिसांनी दोन जणांना ड्रग्स बाळगत असताना राष्ट्रीय महामार्ग ५३ वर अटक केली होती. या कारवाईत तब्बल ७३ लाखाचे मेथाक्वालोन जप्त करण्यात आले आहे.यात आता मेथाक्वालोन पुरविणाऱ्या तिसऱ्या संशयिताला अटक करण्यात आली आहे.
डी.वाय.एस. पी कृष्णांत पिंगळे, बाजारपेठ पोलीस निरीक्षक गजानन पडघम व इतर सहकाऱ्यांनी राष्ट्रीय महामार्ग क्रमांक ५३ वर असलेल्या हॉटेल मधुबन जवळ दोन जणांना संशयितरित्या फिरत असताना अटक केली. या दोघांची झडती घेतली असता त्यांच्याकडून ९१० ग्रॅम मेथाक्वालोन ज्याची किंमत ७२ लाख ८० हजार रुपये इतकी आहे. तो जप्त करण्यात आला. मेथाक्वालोन साठा व वीस हजार किमतीचे दोन मोबाईल जप्त केले. संशयित आरोपी कुणाल भरत तिवारी (रा. तापी नगर, भुसावळ), जोसेफ जॉन वाडाल्यारेस (रा.कंटेनर यार्ड भुसावळ) या दोघांना ताब्यात घेतलं असून त्यांच्याविरुद्ध प्रशांत सोनार यांनी दिलेल्या फिर्यादीवरून गुन्हा दाखल करण्यात आला आहे.
सदर गुन्ह्याचा अधिक तपास करता जप्त गुंगीकारक मेथाकवालेन नावाचा मानवी जिवीतास अपायकारक अमली पदार्थ हे यातील तिसरा संशयित आरोपी दिपेश मुकेश मालवीय (रा. शेर ए पंजाब हॉटेल, वरणगाव रोड भुसावळ) याने विक्री करीता पुरवली आहेत असे तपासात निष्पन्न झाले आहे. त्याप्रमाणे संशयित दिपेश मालवीया यांस तपासकामी नमूद गुन्ह्यात अटक करण्यात आली आहे.
तिन्ही संशयितांना अटक केली असून भुसावळ न्यायालयात हजर केले असता आरोपींची २ दिवस पोलीस कोठडी प्राप्त करण्यात आली आहे. गुन्हाचा तपास पो.उपनि. मंगेश जाधव व पोकॉ/1653 योगेश महाजन असे मिळुन करीत आहे. स्वतंत्र पथकामार्फत इतर संशयित आरोपीचा शोध सुरु आहे.
पोलीस अधीक्षक महेश्वर रेड्डी व अप्पर पोलीस अधीक्षक अशोक नखाते यांच्या मार्गदर्शनाखालीकृष्णात पिंगळे उपविभागीय पोलीस अधिकारी भुसावळ गजानन पडघन, पोलीस निरीक्षक बाजारपेठ पोलीस ठाणे, मंगेश जाधव, पोलीस उपनिरीक्षक तसेच. विजय नेरकर, पोहेकों/ निलेश चौधरी, पोहेकॉ रमण सुरळकर, पोहेकॉ यासीन पिंजारी, पोहेकॉ चौधरी, पोकों/ प्रशांत सोनार, पोकॉ/ सचिन चौधरी, पोकों/ योगेश महाजन, पोकों/ परदेशी, पोकों/ जावेद शाह, पोकों राहुल वानखेडे, पोकों भुषण चौधरी, पोकों/ आढाळे, यांनी ही कारवाई केली आहे.
