जामनेर रेल्वेस्टेशनवर घडली होती घटना
जळगाव (प्रतिनिधी) :- जामनेर येथील पीजे रेल्वेस्टेशन परिसरात एका तरुणाने नैराश्यातून विषारी औषध घेऊन आत्महत्या करण्याचा प्रयत्न केला होता. त्याचा उपचारादरम्यान २ दिवसांनी दि. २४ जून रोजी सकाळी १० वाजता मृत्यू झाला आहे. याप्रकरणी संबंधित पोलीस स्टेशनला अकस्मात मृत्यूची नोंद करण्यात आली आहे.
सचिन रविंद्र पाटील (वय ३२, रा. गारखेडा ता. जामनेर) असे मयत तरुणाचे नाव आहे. त्याच्या पश्चात आई, वडील, विवाहित बहीण, भाऊ असा परिवार आहे. तो खाजगी कंपनीत काम करून परिवाराचा उदरनिर्वाह करीत होता.(केसीएन)दरम्यान, रविवारी दि. २२ रोजी दुपारी ३ वाजता सचिन पाटील हा जामनेर शहरात पीजे रेल्वेस्टेशन परिसरात गेला होता. तेथे त्याने विषारी औषध घेऊन आत्महत्या करण्याचा प्रयत्न केला होता.
कुटुंबीयांनी त्याला उपचारासाठी शासकीय वैद्यकीय महाविद्यालय व रुग्णालय, जळगाव येथे उपचारासाठी दाखल केले होते. उपचार सुरु असताना सचिनचा मंगळवारी दि. २४ रोजी सकाळी १० वाजता मृत्यू झाला. यावेळी कुटुंबीयांनी एकच आक्रोश केला. घटनेमुळे गारखेडा गावात शोककळा पसरली आहे. पोलीस स्टेशनला अकस्मात मृत्यूची नोंद करण्यात आली आहे.
