अमळनेर शहरातील घटना
अमळनेर (प्रतिनिधी) : इमारतीच्या तिसरा मजल्यावर वेल्डिंगचे काम करत असताना तोल जाऊन खाली पडल्याने २४ वर्षीय तरुणाचा मृत्यू झाल्याची घटना दुपारी १२ वाजेच्या सुमारास आर. के. नगर परिसरात घडली.
शाहिद सादिक शेख (वय २४) असे मयताचे नाव आहे. मागील आठवड्यातच कुटुंबिय त्याच्या लग्नासाठी मुलगी बघण्यास गेले होते. शाहिद याची प्रकृती बरी नसल्याने तो घरी आराम करत होता. मात्र मोठा भाऊ शाकीर याला पाण्याची बाटली देण्यासाठी तो गेला होता.
मात्र भावाला मदत करण्यासाठी त्याने काम सुरु केले. त्यावेळी शाहिद खाली पडला. यानंतर त्याला रुग्णालयात दाखल करण्यात आले असता तेथे वैद्यकीय अधिकाऱ्यांनी त्याला मयत घोषित केले. याप्रकरणी पोलीस ठाण्यात अपघाताची नोंद करण्यात आली आहे.
