जळगावात पिंप्राळ्यातील घटना
जळगाव (प्रतिनिधी) : राहत्या घरी काम करीत असताना विजेचा जबर धक्का लागल्याने २४ वर्षीय तरूणीचा जागीच मृत्यू झाल्याची घटना गुरूवार दि. ५ सप्टेंबर रोजी दुपारी दीड वाजता घडली आहे. याप्रकरणी सायंकाळी ५ वाजता रामानंद नगर पोलीस ठाण्यात अकस्मात मृत्यूची नोंद करण्यात आली आहे.
रंजिता राहूल सोनार (वय २४ रा. सोमाणी गल्ली, पिंप्राळा, जळगाव)असे मयत तरूणीचे नाव आहे. रंजिता सोनार ही तरूणी कुटुंबासह सोमाणी गल्लीत वास्तव्याला होती. गुरूवारी दि. ५ सप्टेंबर रोजी घरी काम करत असतांना तिला विजेचा जोरदार धक्का बसल्याने ती फेकली गेली. तिला तातडीने शासकीय वैद्यकीय महाविद्यालयात उपचारार्थ दाखल करण्यात आले असता वैद्यकीय अधिकारी यांनी तपासून मयत घोषीत केले. याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आले आहे. पुढील तपास सहाय्यक पोलीस निरीक्षक रोहिदास गभाले हे करीत आहे.
