पारोळा तालुक्यातील मेहू-टेहू रस्त्यावरील घटना
पारोळा (प्रतिनिधी) :- येथील मेहू-टेहू रस्त्यावर डी. बी. पाटील कॉलेज ऑफ फार्मसी परिसरात मोटारसायकल घसरल्याने एक तरुण जखमी झाल्याची घटना दिनांक २० रोजी रात्री ८ वाजेच्या सुमारास घडली.
मध्यप्रदेशातील रहिवाशी योगेश नाईक (२८) हा काही कामानिमित्ताने मध्यप्रदेश येथून पारोळ्यात मोटारसायकलवर प्रवास करीत असताना पारोळा नजीक मेहू-टेहू रस्त्यावर रविवारी रात्री दुचाकी घसरल्याने जखमी झाला. या अपघाताची माहिती मिळताच रुग्णवाहिकेने अपघातग्रस्त व्यक्तीस कुटीर रुग्णालयात दाखल केले. यावेळी वैद्यकीय अधिकारी डॉ. प्रशांत रनाळे यांनी उपचार केले.
